الأخبار

عسلية نجمة مهرجان القاهرة السينمائي .. والكلاب الضالة أزمة الشارع

عسلية نجمة الريد
عسلية نجمة الريد كاربت

من وسط نجوم الفن وعدسات المصورين على ريد كاربت مهرجان القاهرة السينمائي.. ظهرت نجمة خطفت الأنظار من الجميع.. مش فنانة ولا ممثلة، دي الكلبة «عسلية»

عسلية بقت حديث السوشيال ميديا، والناس بقت تتصور معاها، وحتى الفنان حسين فهمي حرص يداعبها.. وإدارة المهرجان كشفت إنها صديقة دار الأوبرا، وعايشة فيها، وبتخضع لبرنامج التطعيم والتعقيم والرعاية البيطرية.

عسلية نجمة الريدكاربت

لكن بعيدًا عن أجواء المهرجان والصور اللطيفة، فيه جانب تاني من الحكاية بيشغل الشارع المصري.. وهو أزمة الكلاب الضالة.

ففي الوقت اللي ناس بتحتفي بالكلاب وبتطالب بالرفق بيها، فيه أسر تانية بتطالب بالتدخل لوقف انتشارها في الشوارع، خوفًا على أطفالها، خصوصًا مع تكرار شكاوى العقر والمطاردة والحوادث.

والجدل وصل لمجلس النواب، مع طلب إحاطة بشأن مخاطر انتشار الكلاب الضالة على المواطنين، خصوصًا الأطفال وكبار السن.

لكن هل الحل إننا نختار بين الرفق بالحيوان وسلامة الإنسان؟ ولا المفروض يكون فيه تعامل منظم يضمن الاتنين؟

إنت شايف إيه؟